*” प्रभु रामा-रामकथा “*
कलश यात्रा से ह्वेग्या-रामकथा शुरुवात।अब-सब कन लैगिगीं- प्रभु राम कि बात।।
चार पट्यूं क बीच-जोगीमढ़ी सजंण लैगे,सजंण लग यखम- प्रभु राम कि- बरात।।
आज पैल्यू दिन आज से-रामकथा ह्वेलि,नौदिना कथा शुरु ह्वे-शुभदिन जून सात।।
आचार्य श्री अनुज लखेड़ा-कथा बांचला,प्रभु राम से ह्वेलि-हमरि-तुमरि मुलाकात।।
ऑख्यूंम बसि जाली- प्रभु राम की मूरत,सुमरा प्रभु राम-नाम-भजिल्या दिन-रात।।
रामकथा हूंण से- हमथैं हूंण लग विश्वास,चम्कलि जोगीमढ़ी-सुधरला यखा हालात।।
‘दीन’ नूतन नौवर्ष चौबीसा-अर्धकाल बटि,प्रभु रामा-रामकथा से-ह्वेगे भलि शुरवात।।
@ दीनदयाल बन्दूणी ‘दीन’०७०६२०२४जोगीमढ़ी, बटि..
कलश यात्रा से ह्वेग्या-रामकथा शुरुवात। अब-सब कन लैगिगीं- प्रभु राम कि बात
